لما الشتا يدق الببان
من البوم انا كنت عيدك
كلمات ابراهيم عبد الفتاح
الحان احمد الحجار
توزيع ياسر عبد الرحمن
كلمات الاغنيه
لما الشتا يدق الببان
لما تناديني الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي
كل الليالي إللى فى قمرها قلبي بات
مش جاي ألومك ع اللى فات
ولا جاي أصحي الذكريات
لكني باحتاجلك ساعات
لما الشتا يدق الببان
كنا طفولة حب لسه في أوله
بنضم بإيدينا الحنين وبنوصله
خريف نادانا والشجر دبلان
بردانة كنتي وكنت أنا بردان
ضمت قلوبنا بشوق ولهفة نبضها
لما إلتقينا الخطوة عرفت أرضها
أجمل معانى الحب غنتها النايات
مش جاي ألومك ع إللى فات
ولا جاي أصحي الذكريات
لكني باحتاجلك ساعات
لما الشتا يدق الببان
تتصوري
رغم إننا شايفين طريقنا بينتهي
تتصوري
لا عمري هاقدر ع الفراق
ولا إنتى عمرك تقدري
لسه حنيني بينهك رغم البعاد
ولسه زهرة حبنا بتطرح معاد
لكن بيغرق حلمنا ف بحر السكاااااات
مش جاي ألومك ع إللى فات
ولا جاي أصحي الذكريات
لكني باحتاجلك ساعات
لما الشتا يدق الببان
This entry was posted
on الثلاثاء، 12 أكتوبر 2010
at 2:09 م
and is filed under
كلمات اغاني
. You can follow any responses to this entry through the
comments feed
.
Cairo Time
